【now.com財經】今朝揀咗隻恒指牛(59647)，諗住指數今日個樣咁升得，吼下五分鐘圖嘅50分鐘線(五分鐘圖10線)見支持就出手啦。喺今朝10點25分，指數靠近50分鐘線之後以「大陰燭」方式向下回落，連奶力都無，(59647)可以慳返。
指數過埋中軸後，作戰室索性開出淡倉追指數下行，還好戰友們都可以爬到幾格，賺到今日份茶錢。
午後返嚟見指數稍為向中軸以下落一落之後，一鼓作氣咁款向上再推。依家1點15分，恒指再次變返做綠燈，同時指數喺五分鐘圖上再次企返喺五條主要平均線之上，連同Slow STC(14,3)早已觸底，隻(59647)隨時都真係拎得返出嚟同佢再死過；但問題在於保歷加通道口收到好窄，依家1點17分見指數推多兩步就已經到咗保歷加通道頂線。如果保歷加通道口有見闊的話，真係可以拎返隻(59647)落場架。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
