【now.com財經】今朝喺呢度都無揀到貨出嚟，其實喺作戰室今日都無做到啲乜，我承認今日盤感欠奉，自己無方向就多一事不如少一事，亦無謂累街坊。
下半場開市之後，睇返清楚指數沿住保歷加通道中軸慢慢上行，依家1點25分，上行速度都真係極慢，慢到保歷加通道開始挾埋，將成條通道收窄。換平均線見指數依家向最後一條平均線，即750分鐘線(五分鐘圖150線)出發，過得到呢條線而整條保歷加通道好地地Keep得到上行之勢的話，好倉出動慢啲但至少方向正確。
真係如FF般所想嘅咁行的話，留意指數回到落保歷加中軸有無支持先，有嘅先至出隻恒指牛(57878)，收回價19,338點，同現價有約380點距離，所以槓桿有約41.08倍，用到咁高槓桿都只係為求極短線完成呢一注。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
