【Now財經台】百度集團(09888)上周發布有國產ChatGPT之稱嘅「文心一言」，聲稱可以做文學創作、商業文案創作、數理邏輯推算、中文理解和多模能生成。不過，外界依家對「文心一言」嘅反應不一，評價好壞參半，「文心一言」有冇能力挑戰外國嘅ChatGPT？
易方資本投資總監王華指，ChatGPT喺3.0版本後，冇再開放原始碼，而高階晶片A100被禁止出口中國，百度要研發聊天機械人，喺硬體軟體上都受到限制，能夠成功推出產品已經好好。佢又話，百度股價近期抽升，主要係港股、A股嘅人工智能(AI)股份選擇唔多，至於基本面幾時可以追上，就要睇有關限制有冇改善。
Fred又話，百度算係業內做得比較好，但唔可以好似微軟將ChatGPT技術嵌入辦公軟件，開闢新財路。
