【Now財經台】亞特蘭大聯儲銀行行長喺一個訪問中提及，若美國經濟持續強勁，聯儲局利率峰值或比預期高，甚至唔排除未來有一次會議會加息0.5厘，美匯指數今輪反彈可以彈到幾高？
資深外匯分析師陳欣指，聯儲局官員不停「出口術」，希望達到管理市場預期嘅效果，美匯指數反彈係因為非農數據太靚，令市場認為聯儲局會繼續加息，不過，美國其他經濟數據其實唔算好，經濟仍有衰退風險，因此，聯儲局要繼續加息遏通脹。
Chase又提醒，若經濟數據冇好轉，年底會唔會掉頭減息就好難講，依家美元缺乏上升動力，中線可能呈橫行整固格局，預期美匯指數會喺100至105上落，難出現大突破。
