【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、吉利汽車(00175)、比亞迪股份(01211)、友邦保險(01299)、雅居樂集團(03383)。
比亞迪係1月「藍籌王」，2月開局保持升勢，今朝高位見過260元，「股神」減持造成嘅下跌裂口已經補返，集團發盈喜後亦keep住升，雖然減價影響毛利率，但比亞迪作為龍頭係咪都唔使擔心？
華盛証券經紀部董事李偉傑指，比亞迪發盈喜後，股價一直逆市造好，集團第4季盈利增速繼續加快，主要受惠於買家趕喺補貼結束前買車，推高咗銷量。不過，市場分額會出現「爭崩頭」嘅情況，因為對手Tesla亦劈價賣車谷銷量，因此，預期比亞迪今季新能源車銷量會開始下跌。
Jason又指，比亞迪股價已補返舊年8月嘅裂口，估計升勢短期會略為放緩，後市或回落至240元。
