【Now財經台】新能源汽車股持續強勢，包括龍頭比亞迪股份(01211)，上日衝上約5個月高位，今朝高位上到249元水平。乘聯會早前公布，去年新能源客車銷量按年增18%，比亞迪股價似乎繼續強勢，上周亦成功收復所有移動平均線，資金係咪部署好倉較多？
瑞信上市交易產品部副總裁薛健鋒指，市場其實唔係咁夠膽部署好倉，原本喺150元樓下時都會博吓，但見到今朝見過250元後，跌返落嚟，憂慮近期升咗咁多後，升勢告終，連續兩個交易日都有資金流入淡倉，主要揀中距離嘅熊證，距離現水平20元嘅熊證有約10倍槓桿，值博率較PULL輪高。依家想博反彈嘅資金都未必揀較價外嘅產品，都係揀啲約10%價外幅度，280元樓下嘅去做睇好部署。
