我的股票

    名稱 現價 升跌

    資料報價延遲十五分鐘

    標籤: 分析01810

    【專家分析】小米爆升唔係炒「洩密」而係炒...

    【分析】 2023/01/26 16:03

    【Now財經台】網上近日流傳一些小米集團(01810)旗下小米汽車嘅部件圖片,集團公關部回應指,今次外洩嘅圖片係非常早期嘅招標設計,唔係最終嘅文件,小米股價今日大升超過10%,係咪市場解讀為小米汽車終於「十劃終於有一撇」,當正面消息炒?

    艾德金融聯席董事陳政深指,要睇市場氣氛及投資者點解讀消息,由於汽車涉及數以十萬計嘅部件,唔可能由同一家公司包辦,會涉及一條好長嘅供應鏈,製作過程中,車廠同供應商都會有相當保密嘅程序,唔想部件喺發布前外洩,過往汽車設計圖屬於非常敏感嘅資料,但對小米或其他電動車嚟講,可能未必係非常敏感。

    Ryan又話,小米股價今日純粹因電動車料外洩而大升,似乎有啲匪夷所思,反而如果設計圖已喺供應商手上,意味小米汽車距離正式發布已經好近,投資者因憧憬集團短期內發小米汽車,因而炒起股價就好合理。

     

    想睇更多財經消息

    相關股票