【Now財經台】港股喺兔年首個交易日紅盤高開，一度升逾400點，依家恒生指數預測市盈率(PE)約10倍，之前喺30000點水平就約14倍，展望後市，港股係咪仲有上升空間？
東亞銀行財富管理部首席投資策略師李振豪指，10倍PE係平均偏低水平，認為恒指下一站可以睇24500點。佢又話，內地重新開關有望帶動內地以至亞洲區內需求，而新春期間有唔少報道指內地人願意消費，預期內需復甦會幫到港股中嘅內需股。
李振豪續指，市場唔少資金趁3月「兩會」前，已開始偷步炒舊年12月中央工作經濟會議關注嘅三大板塊，即內需、科技、醫療，佢相信，內需復甦配合內地政府放寬貨幣政策及行業監管，A股及港股上半年可望穩步上升。
