【Now財經台】截至早上11時止，1小時內《彭博》用戶關注度上升最多港股，依次為舜宇光學(02382)、騰訊控股(00700)、中國海洋石油(00883)、銀河娛樂(00027)、小米集團(01810)。
舜宇連續第3日上榜，股價亦連升第3日，除咗之前三星大消息外，亦有消息指蘋果公司噚日會突襲式推出新產品，又傳會推遲發布AR眼鏡，結果Apple宣布推出MacBook Pro及Mac mini，舜宇股價升唔停係咪關呢啲消息事？還是市場認為手機需求將會復甦？
第一上海首席策略師葉尚志指，比較關注AR眼鏡，因為對光學技術要求好高，而舜宇喺鏡頭方面一直領先，市場都有正面消息，而手機需求都觀察緊，因為同經濟周期息息相關，依家市況好轉，市場好壞消息都有，如果大市氣氛好，投資者當然係睇好消息，所以舜宇股價繼續有好表現。
