【Now財經台】截至早上11點止，1小時內《彭博》用戶關注度上升最多港股，依次為藥明生物(02269)、騰訊控股(00700)、雅居樂集團(03383)、碧桂園(02007)及碧桂園服務(06098)。
藥明生物去年股價受壓，佢業務多喺美國，會唔會擔心中美關係影響生意，旗下公司一度被美國列入未經核實清單，但去年底獲剔除，基本面上係咪可以睇番好？
富昌證券聯席董事譚朗蔚指，對藥明生物睇法樂觀，因為擔心被制裁等最大不明朗因素已明朗化，依家處於估值俢正階段。
Arnold又話，藥明生物跑贏大市機會十分大，唯一風險係擔心因為股價升得多，公司會減持股份，但佢勸投資者唔好介意短線反覆，建議可以喺今年長揸，認為藥明生物阻力喺80元位置。
