【Now財經台】內地借疫後經濟重啟概念，由手機設備到手機廠商，股價都升得靚，不過，回顧今年表現，小米集團(01810)及聯想集團(00992)分別累跌40%和30%，喺內地疫後復常嘅利好因素帶動下，明年內地智能手機市場有冇條件提前復甦？
華盛証券分析師聶振邦指，整體手機市場傾向靠穩，投資者關注呢類股份之前大跌，到底偏離咗基本因素幾多，但依家又唔係預期中咁差，所以有資金陸續流入相關股份，帶動呢類股份開始發力追落後。
聶Sir又話，展望明年手機設備股發展前景，要視乎呢啲公司有冇與時並進，因為市場對高端智能摺機嘅需求顯著上升，三星電子(Samsung)本身已有一定優勢，如果小米、聯想等，如果推摺機搶市場分額，前景都可以睇好。
