【Now財經台】截至早上11時止，1小時內《彭博》用戶關注度上升最多港股，依次為友邦保險(01299)、華虹半導體(01347)、中芯國際(00981)、信義光能(00968)及阿里健康(00241)。
友邦噚日斥資逾2億元回股份，但股價今朝一度挫近4%，半日收報85.05元，跌幅收窄至2%。友邦股價由低位反彈約50%，本港防疫措施正逐步放寬，市場預期，好快有同內地通關嘅好消息，係咪有利友邦本港業務復甦？
獨立股評人譚智樂認為，現時內地與香港通關對友邦業務幫助唔大，因為友邦過去幾年不斷喺內地擴展業務，內地客人未必再選擇來港投保。
對於友邦股價近期回升，Arnold指，更多係被市場憧憬內地放寬防疫所推動，但市場預期明年內地經濟增長會進一步放緩，並估計友邦未來新業務價值難出現爆發式增長。佢又認為，友邦股價水位唔多，估計短期會喺80至90元水平徘徊，建議有貨嘅投資者目標價擺喺90元水平。
