【now.com財經】今朝揀咗隻恒指牛(65312)出嚟，講到明真係等五分鐘圖上Slow STC(14,3)確認兩線觸底先至出手，主要係怕嗰時指數下行時，如果保歷加通道口拓闊的話，Slow STC(14,3)出超賣再超賣，貿然出(65312)就要捱好耐先至見到有Swing嘅希望。
今朝Patreon出文時間為10點19分，on top比多10分鐘作為睇文時間，即10點29分再睇返恒指五分鐘圖，亦剛好見到Slow STC(14,3)%K線高走於%D線，望多眼亦見到指數落到250分鐘線(五分鐘圖50線)就止步，趁呢個位出隻(65312)，以10點30分至10點40分10分鐘時間作為出貨時間，(65312)期內高位低做過0.069元/0.058元計，平均買入價為0.0635元。
還好指數落到250分鐘之後呈上，行下行下更見指數行出「圓底」走勢，Slow STC(14,3)去到11點10分已經見到兩線重上超買至嚴重超買範圍，再到11點25分，指數高位已經上破咗朝早嘅高位，創出今日新高之下「圓底」頸線亦成形，同步保歷加通道口亦拓闊，暗示指數仍有上行空間。
再到11點40分，持貨接近一小時之後，指數於五分鐘確認上破「圓底」頸線，保歷加通道口保持拓闊，Slow STC(14,3)兩線亦見超買再超買。上半場臨完場前先至見到Slow STC(14,3)兩線有觸頂回落嘅情況，但仍然處於超買範圍。
下半場開市後，指數輕輕向下失守50分鐘線(五分鐘圖10線)，都係嘅，因為整條保歷加通道呈上嘛，向下再靠睇嚟要用上保歷加中。依家1點9分，落場後至今指數都未掂到過中軸，Set好以失守中軸(65312)走貨位，今日星期五，Happy Friday唔過weekend的話，如果指數咁升得，一直到收市前都守得住中軸以上位置，咁用最後10分鐘時間走人。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
