【Now財經台】吉利汽車(00175)日前公布咗11月銷售數據，其中總銷量按年增長6.7%，支持股價近日造好，今朝走勢反覆，早段一度高見13元，升約3%，吉利熱門CALL行使價都喺13元以上，即100天線水平，普遍係明年2月至3月到期，槓桿4倍至7倍，係咪較多投資者視13元係短期目標？
摩根大通亞洲上市衍生產品銷售部主管張智卓指，內地放寬防疫措施，吉利呢類內需股有較多資金流入，股價升幅亦比較顯著，有唔少資金部署吉利CALL，行使價介乎14元及15元，不過，吉利股價近日喺13元有明顯阻力，投資者揀條款時，可以考慮揀返貼啲，例如13元至13.5元，因為防守性較高。
