【Now財經台】國際油價下跌，中國海洋石油(00883)係呢幾日表現較差嘅藍籌，股價今朝向下，一度跌近2%，低見9.77元，中海油股價一直喺9元至11元上落，今朝成交活躍嘅認購證，行使價約11元，但年期有啲分化，短期有明年2月到期，長期就去到後年6月都有，如果想部署中海油應該點揀好？
星展財資市場部上市產品主管周國威指，中海油係相對落後嘅股份，股價回落至9.5元至9.7元，正正係11月中股價橫行期間嘅蜜密集區，投資者可以留意一旦股價落到9.7元、9.8元，即之前嘅橫行區，可唔可以搵到支持。
此外，中國放寬防疫措施有機會帶動原油需求，利好油價表現，可能帶動中海油股價自低位反彈，依家中海油CALL槓桿介乎近9倍至10倍，如果博追落後都可以考慮。
