【Now財經台】騰訊控股(00700)股價繼續企穩300元樓上，今朝一度高見317元，升逾1.6%，不過，騰訊係最多資金流出嘅個股，5日合計有1.38億元，今朝資金傾向企邊一邊？係咪仍然有唔少投資者食糊？
瑞士銀行亞洲股票衍生產品銷售部李梓維指，騰訊今朝有一個唔錯嘅升幅，一般嚟講，當騰訊股價大升或大跌時，都見到資金會做一個反向操作，但今朝騰訊股價向上，資金更進取去追牛證或CALL輪，其中牛證收回價270元至290元，見到有較多投資者加倉，可能認為騰訊後市仍可守得住300元關口，反而PUT輪有資金流出。
