【Now財經台】比亞迪股份(01211)近日宣布「刀片電池」會應用喺商用車，刺激股價上個星期連升4日，股價今朝升勢持續，更一度變「雙紅底」，今朝多唔多投資者睇好比亞迪可以繼續升而部署好倉？
瑞信上市交易產品部副總裁薛健鋒指，反而較多投資者睇淡比亞迪後市，股價今朝一度高見201元，但可惜企唔穩，好快落返197元水平，因投資者仍然擔心大股東巴郡可能會再減持，雖然每次減持嘅影響愈來愈細，但當股價上返200元水平，投資者都傾向睇淡，所以揀中距離熊仔，因為面值低過PUT輪，槓桿比率都高過活躍嘅PUT輪。
Lawrence又話，淡友主要揀210元，甚至更高收回價嘅熊仔，做博回套嘅短線部署。
