【Now財經台】騰訊控股(00700)股價近日似乎站穩陣腳，雖然今早反覆向下，但仍可以企穩280元樓上，惟100天線有阻力，騰訊係最多資金流入好倉嘅個股，5日合計有3400萬元資金坐貨，投資者今朝係咪部署好倉較多？擺位上有冇特別之處？
中銀國際證券衍生產品部董事朱紅指，騰訊上返280元後，投資者都傾向部署好倉，雖然大市今朝升過一浸，但騰訊都要跌，市場仍比較關注騰訊南非大股東嘅減持問題，因為10月底又開始減持，所以股價有一定壓力，不過，如果港股可企穩18000點，騰訊有機會跟隨大市造好，有投資者都喺現水平買騰訊CALL，行使價307元，價外約10%，明年4月到期，槓桿6至7倍，呢啲條款都多投資者參與。
