【股市脈搏】億達「坐艇」機會唔細

【Now財經台】內房股億達中國(03639)今朝開市半個鐘後，一度衝上7.01元高位，爆升逾13倍，雖然之後自高位回落，股價喺2元水平橫行，但收市仍大升逾2.7倍，報1.86元，億達股價狂飆，主要受內銀向房企提供數以千億計嘅信貸額度，加上國常會話要適時降準帶動。

不過，如果仔細睇，億達今日成交金額僅逾900萬元，金額都算少，公司呢兩年利潤大褔縮水90%，股價今日未炒之前，市值僅逾10億元，小心今日只係借消息炒起，而收市價較今日即市高位跌咗逾73%，睇嚟未來要「坐艇」嘅機會都唔細。