我的股票

    名稱 現價 升跌

    資料報價延遲十五分鐘

    【盤房來料】港股要重上萬八首要重返10日線之上

    【分析】 信報財經新聞 2022/11/23 14:13

    【信報財經新聞】隔晚美股三大指數升逾1%,都講過好多次,只要納指跟標指分別守到11000跟3900支持,美股仍然向好,重點係通脹數據能否增速下跌,加息周期盡快完結。不過反映中概股表現嘅金龍中國指數續偏軟,港股未見跟隨美股顯著上升,今早好淡爭持。

    恒指高開36點,升幅曾擴大至逾百點,可惜高位未見買盤跟進,其後一度倒跌48點,見17375半日低位,不過至中午收市前,科技股回升,帶動恒指半日最多升183點,見17607半日高位後回順。中午恒指報收17497,半日升72點;國指升39點,報收5940;恒科指升29點,報收3544。世界杯效應下,半日成交進一步縮減至564.74億元,今日成交額隨時唔夠一千億元。

    藍籌股個別發展,金融類別股份普遍做好,當中以平保(02318)半日升1.3%表現較佳,其餘升幅不足1%。股神繼續減持比亞迪(01211),其實市場應該唔意外,半日股價跌2.2%,股價已連跌六個交易日。領展(00823)同樣六連跌,半日股價再跌4.9%,藍籌股之中表現最差。

    科網股先低後高,ATMJ以阿里(09988)半日升3%表現最好,雖然集團持有嘅螞蟻據報中國有關部門處以逾10億美元罰款,但市場解讀為監管已告一段落,賠埋呢筆錢就一了百了。至於騰訊(00700)跟京東(09618)半日分別升1.4%及2.2%,京東重返200心理關口;至於美團(03690)盤中一度低見134.1元,其後隨其他科網股回升,半日倒升0.3%。其他科網股普遍炒高,快手(01024)季度收入勝預期,半日升4.8%,值得留意係內地管完打機要限時,下一個要管制嘅範圍,有可能係限制睇短片,雖然暫時未有監管,但都先要有心理準備。

    國企中字股份繼續熱炒重組概念,除咗噚日升緊嘅基建股之外,今日見資源股都落埋鑊,不過阿Man選擇繼續做觀眾,對呢啲國企股始終有啲戒心。至於生科股今日較大沽壓,之前因為抗疫藥物推出嘅股份,呢兩日都見回吐,康希諾(06185)半日跌一成,君實(01877)跟三葉草(02197)半日插逾半成,其他生科股跌超過1%至3%不等。

    大市暫時受制條10日線(17626),但20日線跟10日線穩步向上,10日線已升穿50日線,目前等緊條20日線升破50日線出現另一個黃金交叉,若然呢兩日可以盡返10日線之上,仍有條件重返18000水平,並再挑戰100日線。

    麥狄文
    (徐狄怡‧證監會持牌人)

     

    想睇更多財經消息