【Now財經台】截至早上11時止，1小時內《彭博》用戶關注度上升最多港股，依次為融創中國(01918)、中遠海能(01138)、中遠海控(01919)、中國海洋石油(00883)、中國石油股份(00857)。
融創早前傳出進行境內債務重組，但離岸債談判似乎遇到阻滯，持有25%離岸債嘅債權人代表反對談判方案，包括債轉股，涉及40%離岸債務及繼續延長還款期，其實條款算唔算好辣？
資深證券分析師彭偉新指，內房整體債務問題唔係咁易解決到，而國務院都想盡辦法去幫，避免爛尾樓不斷湧現，但計返數，國務院嘅融資係冇可能解決到所有問題，因此，市場都擔心整體內房債務問題點收科，如果睇返融創嘅情況，要債權人接受好長嘅還款期係未必願意，最終方案係點現階段好難估計，不過，一旦談判失敗，融創短期內都復牌冇望。
