【Now財經台】阿里巴巴(09988)股價今朝輕微低開後，好快就掉頭向上，公司近日都有唔少消息，包括螞蟻消金增資額縮水，又減持商湯(00020)股份，阿里兩日後就會出業績，業績前做部署有冇得諗？
中薇證券研究部執行董事黃偉豪指，雖然恒指今朝升上50天線，但暫時建議先行觀望，由於大市氣氛好轉，會令市場解讀呢啲消息時比較正面，但其實阿里反彈力度比大市弱，唔算係好强勢嘅股份，公司兩日後出業績，始終市場對新經濟唔係睇得太樂觀，建議投資者等公司出咗業績再做部署。
【槓桿致勝】等阿里業績後再做部署
【分析】 2022/11/15 12:10
