【Now財經台】嗶哩嗶哩(09626)(B站)今朝高開逾2%後，升幅一度擴大至逾12%，高見95.65元，升至約10月中以來高位，成交股數較過去100日同時段平均增加逾2倍。
有內媒報道指，B站近日發咗一封內部郵件，指CEO陳睿會親自出馬聽取遊戲業務嘅匯報，目的係要進一步加強遊戲業務，最新更傳出國資入股網站、抖音，之前又有中國聯通(00762)及騰訊控股(00700)合資成立公司，B站會唔會榜上有名都引嚟投資者關注。
B站股價最近兩個交易日都喺大成交下造好，今日更重上20天線，後市要留意股價喺呢輪熊市反彈浪中，可以有幾大反彈空間，係咪有力突破及企穩100元關口，再上望喺120元水平可能有較大阻力。
