【Now財經台】華虹半導體(01347)今朝高開6%後,愈升愈多,最多升17%,高見23.05元。
公司上星期五收市後公布,經過了8個月時間,上交所正式受理了科創板上市申請,亦係繼中芯國際(00981)之後,第二家港股晶片公司在內地科創板上市。美國打擊內地晶片業,但行業獲國家政策支持,希望做到晶片自強,相信華虹這次IPO市場反應都唔會差,估值亦有望較本港高。
股價今日重上50及100天線,內地上市消息,加上本周四會公布季績,睇吓有冇力將股價進一步推高至黃金比率0.236水平。集團半年業績強,收入升86%,股東應佔溢利升1.4倍,睇吓今次回A進展如何,可否支持股價進一步上升。