【槓桿致勝】睇好中海油跑贏大市可揀長身Call

【Now財經台】隔晚國際油價下跌1%至2%，對油價敏感度較高嘅中國海洋石油(00883)輕微高開後一度升近2%，高位見9.91元。

中海油股價過去1個月於9元水平窄幅上落，星展財資市場部上市產品主管周國威表示，股份今年一直跑贏恒指，公司於季績後又開始回購股份，有助推升股價。

Dick續指，睇好中海油繼續跑贏大市嘅投資者，可以揀中長年期嘅Call輪，例如明年第1季中後期到期，收回價10.9元附近，實際槓桿達8倍，市面上做到相若實際槓桿嘅牛證太貼價，喺波動市況下防守性並不高。