【Now財經台】截至早上11時止，1小時內《彭博》用戶關注度上升最多港股，依次為中國生物製藥(01177)、萬科企業(02202)、舜宇光學(02382)、騰訊控股(00700)及中國宏橋(01378)。
藍籌醫藥股早段一度跑出，連同石藥集團(01093)、翰森製藥(03692)齊齊衝高，但臨近中午收市被其他股份爬頭，不過，傳統藥股算係近期港股弱勢下嘅逆市奇葩，點解會出現呢個現象？行業係咪已確認轉勢？
資深證券分析師彭偉新指，睇返過去嗰段黑暗日子，唔少藥股股價自高位回落80%至90%，投資者主要擔心限價問題，因內地進一步進行集體採購，令整體藥價冇得升。傳統藥股目標價已被大削，基本上已經削無可削，或意味藥股股價已見底，因此，開始陸續見到再獲買盤重現。
Casper又話，雖然藥價進一步上調嘅本錢非常少，但另一方面，成本價格冇出現一個明顯升勢，藥企毛利開始回穩，可體現返實質投資價值。
