【Now財經台】百勝中國(09987)股價今朝一度升逾4%，其後升不斷窄，暫時仍維持兩連升。
百勝周一正式「甩S」，即由本港第二上市轉為主要上市，並同步納入滬深港通名單，不過，對北水嘅吸引力就似乎唔大，截至噚日止，北水僅買入6900股。
百勝會喺香港時間下周三美股收市後出第3季業績，據《彭博》綜合市場預測，受惠於內地疫情放緩，以及上海封控影響減退下，第3季營業收入按季增長26%，並有望扭轉盈利下跌趨勢。
值得留意係，百勝過去幾季出完業績後，股價都會有啲反應，要留意百勝短線可唔可以升穿10天線，即346元水平。
