【Now財經台】廣汽集團(02238)股價高開2%後，最多曾升9%，高見5.93元。
廣汽上日收市後公布，子公司廣汽埃安完成A輪融資，集資總額近183億元人民幣。以今次融資額計，相當於廣汽埃安估值達1030億元人民幣，追貼廣汽AH股嘅總市值，而單計H股，廣汽市值只有170幾億港元，令市場憧憬廣汽埃安日後或會獨立分拆上市。
市場亦睇好子公司嘅新能源車電池業務，公司研發嘅三元鋰電池係好多歐洲電動車選用電池，而今次融資所得會用在新產品開發、新一代電池、產能擴建等核心技術嘅研發和產業化布局，上述2項因素明顯利好廣汽股價表現。
廣汽暫時在約5.64元水平嘅20天線，留意之後能否企穩。公司下周四(27日)就出業績，可以留意有冇催化劑。
