【Now財經台】截至早上11時止，1小時內《彭博》用戶關注度上升最多港股，依次為安踏體育(02020)、比亞迪股份(01211)、中國財險(02328)、銀河娛樂(00027)及中國海洋石油(00883)。
體育用品股今早受壓，其中以安踏跌勢最急，一度大跌近10%，雖然集團第3季營運數據，按年好過第2季好多，但摩根士丹利就唔係太睇好安踏，指店舖流量下跌及消費疲弱，係行業最大挑戰。
資深證券分析師彭偉新指，其實安踏營運數據唔差，但唔少大行都會等埋業績先做估值重估，所以先下調目標價。安踏股價今朝中段跌幅收窄，唔排除係因為股價急挫，落到之前低位嘅支持位，投資者平淡倉或博短期反彈，但佢估計，安踏反彈力度唔會太大。
