【Now財經台】人工智能(AI)股商湯(00020)係表現最差嘅科指成分股,股價已連跌第4日,累跌22%。
除咗市況差,商湯跌到咁可能同美國打壓中國晶片業有關,因為美國擬針對中國AI及超級運算領域,將當日封殺華為嘅招數,套用喺超級電腦相關零件設備,針對全球包含美國技術的產品進行管控,市場擔心商湯會步華為後塵。
此外,商湯一批股份嘅禁售期會喺12月解禁,到時股東會唔會沽貨,都係市場關注點。
商湯上市未夠1年,上市價3.85,股價曾高見9.7元,但之後不斷向下兼「潛水」,今日收市報1.33元,大跌逾11%,再創上市新低,喺股東減持陰霾下,投資者想買入都要睇定啲。