【Now財經台】科指今日再創新低,不利因素包括美國SEC指無法檢查新東方(09901)底稿、美元再度轉強、美國10年期債息重上4厘、市場憂慮息口持續急升,除咗上述提及嘅負面因素,科技股今日仲有咩「死因」?
獨立股評人莫灝楠指,暫時市場對科技股嘅預期都非常低,雖然內地針對科企嘅監管,已經過咗最嚴厲嘅階段,但見到遊戲版號、打機時間、電商監管都冇乜放鬆,只係冇繼續收緊,因此,投資者對整個政策環境都唔係太樂觀。
Casper又話,美元不停升值,流出人民幣計價嘅資產,所以指數沽咗落嚟,連帶科技股都一齊沽,因此,整體科技股嘅環境仍然係好壞參半。