【Now財經台】美元強勢嘅幕後推手其實係聯儲局，因為局方要透過加息遏制幾十年嚟罕見嘅高通脹 ，喺咁急速及大手加息下，一定會經濟增長構成壓力，但某程上係聯儲局樂見，局方近期嘅言論十分鷹派，畀人一種不惜一切嘅感覺，但聯儲局會唔會因應經濟情況及前景，調整加息策略？
資深銀行家王仕雄指，睇返美國CPI及PPI走勢，估計年底前聯儲局會繼續加息，若明年第1季度通脹緩和，加息步伐可能會放慢，佢又認為，美國加息周期將會喺明年中完結，而美元嘅強勢去到明年中亦應該結束。
面對市況大幅波動，加上息口持續向上，投資者應該點部署？王仕雄認為，投資者應分散投資，投資組合中應包括股票、債券及另類投資等，佢又話，高槓桿公司要避開，亦唔睇好黃金前景。
