【Now財經台】截至早上11時止，1小時內《彭博》用戶關注度上升最多港股，依次為中芯國際(00981)、長城汽車(02333)、中國東方航空(00670)、中遠海能(01138)及旭輝控股集團(00884)。
據《彭博》報道，1名華為前高層喺深圳成立咗一家名為鵬芯微嘅初創公司，剛剛為一家半導體廠商喺海外採購生產設備，據《彭博》引述消息人士估計，華為將透過採購鵬芯微產品，繞過美國對華為嘅制裁，如果有關消息屬實，其他畀美國制裁嘅半導體公司可能會仿傚，中芯又會否有同樣動作？
椽盛資本投資總監曾永堅指，拜登政府針對中國嘅制裁，尤其會瞄準高科技領域去制定政策，因為依家民主黨喺11月中期選形勢不妙，總統拜登必須爭取民意，透過一啲行動去爭選票。雖然依家牌面上供應鏈唔可以比中國參與，但基於商業考慮，美國仍會隻眼開隻眼閉。
