【環球金融快線】美長債息仲有排夾？

【Now財經台】美國10年期債息觸及4厘水平，再併埋聯邦基金利率年底料見4.6厘水平，係咪預示債息喺4厘水平已差不多見頂？還是繼續有得升？

資深經濟師羅家聰指出，如果美息最終上到4厘、5厘，債息應該會再高啲，如果經濟明年唔掂，油價都撐唔住，就會產生通縮效應，到時長債息就會扯返落嚟。如果驚衰退，而股市係行先一、兩季，到時資金大規模湧返入債市，到時長息就會跌，孳息曲線倒掛情況會更明顯，所以唔好賭長債咁快見頂，可能會再夾一段時間，而睇返上世紀70年代，都係通脹先見頂，隔咗幾個月就到10年期債息見頂。