【Now財經台】截至早上11時止，1小時內《彭博》用戶關注度上升最多港股，依次為百威亞太(01876)，東亞銀行(00023)，新奧能源(02688)，永利澳門(01128)，建設銀行(00939)。
百威將於下月底出業績，麥格理指，集團韓國業務強勁復甦，估計可帶動售價，有助抵銷部分內地市場轉弱影響，但南韓圜係今年亞太區表現第2差貨幣，匯率對百威有咩影響？
資深證券分析師彭偉新指，匯率對百威嘅影響係相對大，因爲以業務分散度嚟睇，雖然之前公司受惠於整體業績，加上匯兌盈利，可以話係錦上添花，但以國際化業務為主嘅公司嚟講，最大嘅風險仍然係匯兌問題，尤其依家美元持續強勢，匯兌影響將會喺第3、第4季業績反映，因此，會見到個別大行下調百威目標價。
Castor又話，如果見到有券商維持百威評級，但下調目標價，意味佢哋睇淡公司股價，亦係百威股價下跌嘅主因。
