【Now財經台】截至早上11時止，1小時內《彭博》用戶關注度上升最多港股，依次為銀河娛樂(00027)、長實集團(01113)、金沙中國(01928)、紫金礦業(02899)及萬科企業(02202)。
今日大市焦點之一，內地人最快11月起可望去澳門旅行團，而首批內地旅行團將來自上海，以及包括廣東省在內4個內地省分。消息刷刺激賭股大升，其中以金沙走勢最強勁， 錄得3月以來最大升幅，原因係咪好似摩根大通所講， 放寬時間比預期早，力度亦比預期大？
富昌證券聯席董事譚朗蔚指，全球整體大趨勢都有反常嘅情況，好多國家開始恢復旅遊出行，今日個別股份及賭股都有炒作，雖然賭股今日急升，但博彩收入係咪理想仲係未知數。
Stevan又話，從技術層面分析，金沙今次會有啲炒作，金沙股價過去半年除咗5月至6月外，整體表現靠穩，7月至9月一直喺19元水平上落，相信後市應可以再次突破，睇下有冇機會衝破年初嘅22元。
