【Now財經台】截至早上11時止，1小時內《彭博》用戶關注度上升最多港股，依次為中國石油化工(00386)、中國石油股份(00857)、中國移動(00941)、中銀香港(02388)、中國電信(00728)。
中石化早前宣布擬斥資最多25億人仔回購A股，集團噚日亦回購逾1500萬股H股，3.43至3.46元，涉資逾5200萬元，相比一啲合作計劃，回購消息係咪更值得憧憬？
大華繼顯執行董事梁偉源指，近期騰訊控股(00700)及比亞迪股份(01211)大股東都有減持計劃，投資者聽到大股東減持消息都即刻避開呢啲股份，相反，喺市況疲弱下，如果一啲公司有明確回購計劃，投資者會認為買入呢啲股份風險相對低，而股價下行壓力亦會較細，因此，預期中石化股價未來會繼續跑贏大市。
