【Now財經台】截至早上11時止，1小時內《彭博》用戶關注度上升最多港股，依次為恒生銀行(00011)、國泰航空(00293)、金沙中國(01928)、萬科企業(02202)、海底撈(06862)。
恒生銀行旗下恒生投資管理正式接替道富環球，噚日起成為盈富基金(02800)新經理人，可以帶來幾多盈利仍然係未知數。另一方面，美國快將加息，本港銀行好大機會跟隨上調最優惠利率(P)，對銀行息差係咪有幫助？
資深證券分析師彭偉新指，的確會對銀行息差有幫助，而本地銀行股股價亦逐步反映加息因素。雖然銀行仍未加P，但唔少人都會用銀行同業拆息作參考，用P去減按揭息率，無形中加咗上去，因爲之前P嘅減幅數值已封頂，可能會增加一般供樓人士負擔，所以整體息率其實已經上調。
盈富方面，Castor話，接手做盈富經理人為恒生投資帶來嘅盈利貢獻唔會太多，因爲之前道富可以將手頭上嘅投資組合作為借貸，比金融機構作沽空用途，但呢部分恒生投資就未必做得到。
