【Now財經台】京東集團(09618)股價今朝低開逾1%後，跌幅一度擴大至逾2.4%，低見217.6元。
集團主席劉強東繼今年4月7日辭任首席執行官後，最新又有動作，京東物流(02618)及京東健康(06618)都出咗通告，話為咗提高行政效率，將劉強東持有嘅西安京東及宿遷天寧嘅45%股權，轉讓畀副總裁繆欽，而西安京東及宿遷天寧係京東物流及京東健康嘅關聯公司。
雖然劉強東辭任CEO後，京東股價累跌約20%，但走勢比ATMX好，其中騰訊控股(00700)、阿里巴巴(09988)今年累跌約30%，而騰訊今日即市低位見過288.4元，同年內低位只相差0.4元，睇返京東日線圖，保歷加通道底暫時仲守得住，即214元水平。
