【Now財經台】截至早上11時止，1小時內《彭博》用戶關注度上升最多港股，依次為萬科企業(02202)、永利澳門(01128)、中國海外發展(00688)、綠城中國(03900)、華潤置地(01109)。
澳門賭牌競投噚日截標，雲頂集團突然「參戰」，變成7家營運商爭6個牌，現有6大牌主之一嘅永利，股價喺入標前後已升咗約14%，但今日就大跌6%，跌幅係賭股中最大，市場係咪擔心永利可能被雲頂踢走？
椽盛資本投資總監曾永堅指，雲頂入標的確令市場感到意外，而永利嘅美資背景增加市場疑慮，喺中美關係較緊張下，會唔會涉及政治背景審查令結果出現變數，導致永利股價今日回調，永利近日喺一眾賭股中升得較靚，今日因應消息出現回套係正常，不過，睇返澳門博彩業現時嘅情況，Jaseper認為，現有6大牌主獲續牌嘅機會仍然較高，永利今日調整更大可能係之前升咗唔少，今日只係借勢調整。
