【Now財經台】中金公司(03908)宣布供股計劃，A股及H股擬以「10供3」基準供股，其中H股供股價約10.96元，較噚日收市價折讓近24%，中金股價今日顯著受壓，一度挫逾9%，雖然折讓幅度唔細，但其實仲有好多嘢未確定，股價今日喺大成交下跌咗落嚟，市場係咪反應過大？
英皇證券研究部總監陳錦興指，整體市場氣氛都好弱，加上噚晚美股急瀉，投資者難免對負面消息比較敏感，中金供股集資當然係負面，所以都預咗市場反應差。
Stanley提醒，中金嘅公告係話建議供股，細節仲有待確定，相信要醖讓一段時間先可以出到正式供股公告，股價今日反應的確大咗啲，反映投資者對現時嘅市場環境，甚至內地券商股下半年面對嘅挑戰唔樂觀。
