【Now財經台】消費層面上，汽車銷售係內地經濟其中一大支柱，所以中央都有唔少政策希望谷汽車消費，睇返過去幾個月嘅新登記車輛都呈一個增長趨勢，雖然汽車銷售唔錯，但以新能源車為例，除咗比亞迪股份(01211)外，都有唔少車企造新能源車，到底唔同車廠嘅受惠程度有幾大？
iFast Global Markets副總裁溫鋼城指，新能源車本身係一個「戰國時代」，除咗有嚟香港上市車企，仲有哪吒呢啲冇喺香港上市嘅公司，所以競爭係幾大，毛利率係咪會收窄？
Harris又話，車股近期較弱，主要受「股神」影響沽貨，長遠嚟講，汽車銷售及需求都係唔錯，尤其係比亞迪銷售仲好過Tesla，而內地未來亦側重電動車發展，如果揀汽車股一定係比亞迪，至於應該係邊個位買貨，佢建議等「股神」持股量降至約5%，投資者可以考慮買入，佢估計，比亞迪股價有機會落返180元水平。至於另一個選擇係吉利汽車(00175)，但上到15元水平應該會有阻力，所以都係比亞迪秤先，而3大「造車新勢力」...
