【Now財經台】截至早上11點止，1小時內《彭博》用戶關注度上升最多港股，依次為中國神華(01088)、合景泰富集團(01813)、比亞迪股份(01211)、龍光集團(03380)及信達生物(01801)。
雖然關連性未必咁大，但神華再次「染藍」，股價近期表現爭氣，技術走勢亦幾靚，冇貨係咪值得追入？
富昌證券聯席董事譚朗蔚指，如果跌市期間躋身藍籌係比較負面，成為藍籌地心吸引力大啲，或煤價拉動力度大啲都未能準確決定，投資者要小心藍籌因素，但又唔好胡亂造淡或清倉，可以睇定啲個走勢再做決定，因為神華所屬嘅煤炭板塊係當頭起，係一個強勢板塊，現時除咗煤炭外，其實都冇咩板塊有得升，投資者不論持貨或追貨，最緊要係定好止蝕位。
