【Now財經台】截至早上11時止，1小時內《彭博》用戶關注度上升最多港股，依次為華能國電(00902)、港交所(00388)、華潤置地(01109)、萬科企業(02202)及合景泰富集團(01813)。
內蒙取消電價優惠政策，內地電力股炒起晒，其中以華能、華電系升勢最凌厲，H股呢邊都普遍跟升，取消電價優惠政策，係咪意味電價有望上調？繼內蒙後，市場係咪憧憬其他地區都會跟隨？內地今年除四川外，似乎唔似舊年出現大規模電荒，電企真係有機會加價？
大唐資本投資策略總監盧志明指，如果睇現時嘅政策面，電力股係會升返，但如果只係針對民生民需，電價應該唔會上調得太多，因為要考慮整體布局及生產模式，如果認為因政策層面而有突破性發展，因電價令電企盈利大升只係短線憧憬，佢認為應該趁電力股回落時買入，唔好喺高位買貨。
Ken又指，內地唔同地區會因應當地市況，作唔同電價調整及部署，但認為短期內唔會出現呢個情況。
