【Now財經台】滙豐證券發報告唱淡航運股，估計環球運費已見頂，該行大降多隻航運股目標價及評級，滙證又話，雖然行業未來盈利仍高過疫情前，但預期航運公司盈利會自高峰大跌80%。
其中東方海外國際(00316)被滙證狠削目標價36%，由200元降至128元，股份今日除淨，中期連特別息派6美元，折合約47港元，上日參考股價217.8元，所以今早開市價調整為173元，股價早段曾挫10%，跌至3個月低位155.6元。
艾德證券期貨聯席董事陳政深認為，160元係重要關口，如果股價之後跌穿現水平，將迎來崩盤式大跌，跌至130元水平並非冇可能。
Ryan又話，隨著運費逐步回落，東方海外未來有可能減派息，而大股東中遠海控(01919)喺2017年以每股約78元收購公司，過去2年靠收息已回本，唔排除會出售部分股份套現。
