【Now財經台】美股今晚將會有20000億美元期權到期，近半同標指相關，認購期權佔多數，而到價水平喺4300點，同噚晚標指收市價只差17點，呢批期權到期後，美股爆上還是急挫嘅機會較大？
華盛証券分析師聶振邦指，現時美股3大指數已重返4月下旬水平，而3大指數喺4月持續橫行，所以投資者只係重返一個平手狀況，由於等咗差不多4個月先有鬆綁機會，唔排除沽壓會比較大，佢估計，期權結算後美股回軟嘅機會較大。
聶Sir又話，聯儲局9月議息焦點，應該會落喺下月公布嘅通脹數據，若通脹進一步回落，加息0.5厘嘅機會較大，因此，後市觀望氣氛會較為濃厚，導致美股成交會偏低。
