【Now財經台】銀河娛樂(00027)第2季業績麻麻，淨收益按年跌56%，按季亦跌41%，經調整EBITDA虧損按季盈轉虧，澳門6月再爆疫情，賭場喺7月要再度停業，第3季情況係咪都唔樂觀？
耀才證券研究部總監植耀輝指，濠賭股第1季業績唔錯，但第2季賭收明顯差咗好多，去到7月賭收更唔夠4億澳門元，情況真係好差，雖然8月、9月有機會反彈，但情況仍然唔樂觀，即使澳門放寬現時實施嘅旅遊限制，但旅客某程度上仍處於觀望狀態，加上整體經濟轉差，亦會影響旅客出遊意慾，估計第3季嘅情況都唔理想，但由於屬市場意料之內，因此，除非比第2季惡化好多，否則，對濠賭股嘅價值影響唔大。
