【Now財經台】近日石墨概念股有資金追捧，烯石電車新材料(06128)臨收市愈升愈有，最終以全日高位收市升35%，成交股數較過去100日同時段平均成交增加28倍，成交3700萬元。
烯石電車新材料主要係內地從事石墨烯嘅製造同銷售，近期有國企話要取消係美國嘅預託證券，公司今朝開市前發通告，指出將發售469萬股美國預託股份，集資用係改進及擴建石墨烯的生產設備、還債同營運資金，公司原來的場外交易將改為正式美國預託股份，本港時間今晚係美國證交所開始買賣，而今次配股就會由包銷商去做，所以配俾邊個同配幾多都唔知，一旦由單一承配人接晒貨嘅話，有機會成為第二大股東。
公司近幾年收入有增長，但都係要蝕錢，市場可能見公司有新資金去發展，近年佔比愈來愈重嘅石墨烯都睇好公司有機會可以扭虧。
今年2月及3月時，股價曾兩度急升，但在1.7元前掉頭回落，今日係美國預託證券上市前夕，股份借機上升，但RSI超過70，與2月及3月時相若，升勢第一站先睇1.7元。
