【Now財經台】理想汽車(02015)噚日收市後公布未經審核中期業績，其中虧損擴大至逾6億人仔，而第2季虧損亦擴大至逾6億人仔，毛利率按季亦要跌，集團上半年蝕多咗，係咪受第2季表現拖累？
獨立股評人譚智樂認為，情況未必係咁，銷量放緩係大趨勢，而毛利率、成本係市場最關注，佢又指，理想汽車產品升級過程未必會太順利，雖然相比內地其他品牌如長城汽車(02333)，理想汽車仍有本身嘅優勢，不過，一旦價格上升，同Tesla等品牌比較，市場擔心理想汽車未必有太大競爭力。
至於理想汽車股價短線會點走，譚智樂認為計，對上兩個月都升咗上去，所以追跌壓力仍然喺到。
