【Now財經台】一直行超寬鬆貨幣政策嘅日本今朝公布，第2季GDP按季增長2.2%，雖然低過預期增長2.5%，但連續3季保持增長，回復至疫情前水平，係咪反映日央行嘅貨幣政策，終於有效刺激經濟復甦？還是仍言之尚早？
IFast Global Markets副總裁温鋼城指，日本經濟的確出現復甦勢頭，其中一個原因係冇出現「經濟災難」，例如失業，不過，佢認為當地經濟仍有唔少變數，因為日本燃料倚賴外國進口，而俄羅斯可能會將石油變成「武器」，長遠可能令日本物價急升，以及影響貨幣政策。
但佢估計，日本貨幣政策唔會有好大變動，除非日圓跌至一個極低水平，否則，相關政策仍會較寬鬆。温鋼城又話，近期日圓回落，從另一個角度睇，可能係市場對通脹嘅憂慮。
